728x90 AdSpace

  • Latest News

    This is the reason why 2 sick babies and their mothers are currently being held hostage at the Laquintinie hospital:

    Beta Pipol Laquintinie hospitul di keep 2 pikin dem hostage, wit dier mami dem, bicos dier mami dey no fit pay dier hospitul bills.

    The first pikin e name na Bissai Ange Gabriel. E mami be bring e for Laquintinie time way e dey 5months old bicos e be geh respiratory problem. As e mami bring e, the Doctors on duty dey put the pikin for Oxygen. 

    Time way the Pediatrician for Laquintinie kam seeam, e halla... Say dey no be suppose put the pikin for Oxygen, say dey be geh for do heart scan first, for kno tin way di worry the pikin e chest area. Dey do the heart scan, e show say the pikin geh hole for e heart...

    Meanwhile, dey be don already be the hospitul for 2 weeks, and bills be don reach 250k.

    The Pediatrician say make dey go meetop heart specialist for Saint Padre Pio hospitul for Douala make e treat the pikin.

    Can Laquintinie allow them to go? Dey say make dey pay dier 250K bill first before dey fit go... E di kam make 4 weeks way dey dey the hospitul... The pikin and e mami...

    Dey dey for some ward for dey. The pikin e mami di sleep na for floor... No chop, notin...

    The 2nd case na Ngamgne Chama. E mami bring e for the hospitul way e dey 1month old, bicos e be geh respiratory problem, due to pulmonary infection. Dey put e on Oxygen for 15days, bill comot 381,700frs. E mami no fit pay, dey don keep dem too hostage...

    Some lawyer; Maître Youdom, don write letter for the Director of Laquintinie hospitul, say make e free dem... Una see the letter:




    • Blogger Comments
    • Facebook Comments
    Item Reviewed: This is the reason why 2 sick babies and their mothers are currently being held hostage at the Laquintinie hospital: Rating: 5 Reviewed By: Clarisse Ndinge
    Scroll to Top