728x90 AdSpace

  • Latest News

    2 children die in Kumba after eating Irish potatoes

    BetaPipol some 2 pikin dem; Christopher(4years) and Perrick(2years), dey die today unda mysterious circumstances, for some quartier way dey di callam say 'Gentle Spot' for kosala(Kumba).

    Weti happun ?

    Dier mami; 32 years old Christine Ashamo, no be dey house time way e happun. E be go market.

    The pikin dey be dey wit dier grand mami(dier mami e mami) for house. Dey go meetop the grand mami say dey wan chop.

    E moof porridge Irish potatoes way dey be cookam the day before, gi the pikin dem. Dey chop, comot go play for some uncompleted building corner dier house.

    Na for dey way trouble start!

    As dey di play, the smol one start behave some way, foam start comot e mop. The big one go call pipo dem, e no stay the smol one die.

    As caffiage di confuse di wonder weti di happun, the big one too start moof foam. Dey carry e go district hospitul, e no stay, e die.

    Dey carry the pikin dier die-body dem go witam for some pentecostal church make pastor pray, say somtime the pikin dey fit jerop from die.

    Pastor pray, the pikin dey no jerop.

    Police don open investigation for find out weti kill the pikin dem.

    Some mendem for quartier dey di tok say na witch.

    Some oda pikin dey dat house, e no chop the chop, but e too di sick. Dey don carry e go hospitul.

    Una see video👇 as the pikin dier mami di explain tin way happun.

    Make Christopher and Perrick RIP🕯

    • Blogger Comments
    • Facebook Comments
    Item Reviewed: 2 children die in Kumba after eating Irish potatoes Rating: 5 Reviewed By: Mouzi En’Or
    Scroll to Top