728x90 AdSpace

  • Latest News

    "There's no Coronavirus in Cameroon... There's no Coronavirus in Sub-Saharan Africa... I tested samples from Sugarcane and Koki, for COVID19, and they came out positive."- Dr Ginn reveals


    BetaPipol Afrique Media be host some experts dem for medical field make dey discuss Coronavirus for Cameroon and Africa, and di👆 particular intervention from Dr Ginn be catch wa attention. We seeam, we say make we shaream.

    Fes of all, Dr Ginn na Medical Doctor, and scientific researcher with 22 years of experience.

    So, e tok say e use dat COVID19 tests dem ontop Sugarcane, Koki and oda chop dem, and e comot positive. Say dey don send fake test kits dem for di fool we dey. E say notin no dey like Coronavirus for Cameroon and Sub-Saharan Africa. E say dey don pay Ministers of Health dem make dey di waka fool pipo. Say WHO dey di mastermind the whole tin. 

    E say dey di lie say na Corona kill Big public figures dem, so dat make pipo biliv, meanwhile the mendem be get diffrent sick dem way kill dem. E quote example wit dat Papa P e Doctor way die. E say no be no Coronavirus kill e. E say even Manu Dibango, no be Coronavirus. Say all so na propaganda.

    E say tin way pipo dey di sickam na seasonal flu. Say dat tin for say ya nose block, ya taste loss... Na seasonal flu, and if u hot paw paw leaf dem, wit artemisia, fever grass etc... cover ya sef inside the vapour, e go loss in 2 days.

    E say now so for hospitul, wrong medical practices dey di makeam pipo dey di die, mendem di do illegal sales of body parts, di hideam all for back corona.

    E say e di pass e how intellectuals dem way dey kno the truth, dey di fool the pipo dem way dey suppose serveam. E say make Africans dey wukop shine dier eyes dem tok say "Enough is Enough!"

    E say for 2018, bitwin April and June, over 650,000 Americans dey die from Seasonal Flu, but dey nobi publiciseam. E say dat same year, 450,000 Africans dey die from Malaria, but dey nobi publiciseam. 

    E conclude say e nodi fear e threats, say no man no fit do e notin, say e go tok true. E say make Africans dey shine dier eye. Coronavirus no dey Cameroon. Na the video dis👇


    • Blogger Comments
    • Facebook Comments
    Item Reviewed: "There's no Coronavirus in Cameroon... There's no Coronavirus in Sub-Saharan Africa... I tested samples from Sugarcane and Koki, for COVID19, and they came out positive."- Dr Ginn reveals Rating: 5 Reviewed By: Clarisse Ndinge
    Scroll to Top