728x90 AdSpace

  • Latest News

    17 years after Marc Vivien Foe's death, his family is still fighting over his property with his widow and children.


    Yesterday June 26th make 17 years way Indomitable Lion; Marc Vivien Foe die. E woman and e pikin dey nodi still benefit from e property...

    Foe e woman; Marie Louise, be drag Foe e family for court, bicos dey be di fight Foe e property wit e. The matter reach Supreme Court. For 2016, Supreme Court judge the case, and e win! Supreme Court gi e docki dem say make e and e pikin dey survive ontop Foe e property, but Foe e Papa nodi gree follow the court order.

    Some Foe e storey building dey way na Foe e Papa di controlam. Since Foe die, na e be landlord for the building, di collect rents, but e nodi gi Foe e woman and pikin dem no notin.

    Na e way dat yesterday, Foe e woman carry welders dem make dey go welder the doors dem for the building, so dat none of the tenants dey no go fit enta. Den e pay make dey carry gravel, troweyam for front the place. So dat no tenant no fit enta.

    E say e doam so na for protest. E say e choose dat yesterday way na the 17th anniversary of e massa e die for do dat act so dat make e be symbolic. E say all e wantam na say make Foe e Papa dey liv e, and e pikin dem, make dey benefit from Foe e property. E say e no get any problem wit the tenants dem.

    Dey last convocate Marie Louise for police station. Na so the matter end dat yesterday. We go update una. Na news report dat👇from Equinoxe TV.


    • Blogger Comments
    • Facebook Comments
    Item Reviewed: 17 years after Marc Vivien Foe's death, his family is still fighting over his property with his widow and children. Rating: 5 Reviewed By: Clarisse Ndinge
    Scroll to Top