728x90 AdSpace

  • Latest News

    21 years old girl found dead in a minicité in Molyko with her private parts and other body organs cut off!

    BetaPipol dey discover the die-body of some 21 years old geh way e name na Lizette, for some minicité for Molyko(Buea).

    Dey discover e die-body for inside one of the rooms dem for the cité, way dey don tie e hands dem for back.

    Dey say Lizette nodi stay for dat cité. Na ex student of dat Catholic University for Buea. E be don already graduate. So dey no kno tin way e be di do for dey.

    E cousin tap we for teh we weti don comot from investigations. Nobi e boyfriend/ex-boyfriend kill e... Na e friend gi e for scammers dem way dey di use body parts for do rituals/trafficking.

    E cousin teh we say Lizette be dey for Buea wit some e tight friend... Some geh way e di consider e like e bestie... Dem for family house dey no be even kno say Lizette be dey Buea.

    Afta some days, as no man for house no be fit reach Lizette for phone, dey start find e.

    How dey discover e die-body?

    Na dat Lizette e bestie tok place way e be dey. E go meetop Lizette e sister for saloon tell e say e kno place way Lizette dey. Na e finally carry dem go dat room way dey discover Lizette e die-body.

    As we be teh una yesterday, the owner for the room no be dey around. E no even kno e Lizette.

    So police dey investigate, dey cam discover say na dat Lizette e bestie plan wit scammers/ritualists dem for kill e. Dey moof Lizette e private part, e tongue and e heart.

    Dey Bury Lizette for some bush opposite the Minicité bicos e die-body be don rotten.
    (We geh pictures but we no fit postam, e ova badt 😢). Dey be joh get for bury e straight. E intestines dey be don comot all. 😔

    Lizette e cousin teh we say Lizette be di plan for travel go bush for go continue e studies, now e don die untimely death... 😔

    Dat Lizette e bestie di warm space for ngata now so.

    Lizette e cousin say make we teh una say make una lookot wit persin way una di callam "fren/bestie". And say make una lookot wit persin way una di tell e una tindem, bicos enemy nodi eva comot far.

    Make Lizette RIP 🕯
    • Blogger Comments
    • Facebook Comments
    Item Reviewed: 21 years old girl found dead in a minicité in Molyko with her private parts and other body organs cut off! Rating: 5 Reviewed By: Mouzi En’Or
    Scroll to Top